Me er så glade for at Randi Oline kjem attende til Jotunheimen! Ho har gjort reint bord sidan ho leidde Vinjepride og spelte oss i senk i Vinjebue i fjor. Nyleg spelte ho to intime konsertar på årets by:larm som sette seg i sjela på fleire av tilskodarane - og gjorde henne til vinnaren av Årets Stjerneskudd i regi av Norsk Tipping. På P3 Gull vart ho så nominert til Årets Gjennombrudd og Årets Låt i samarbeid med Beathoven.
Då ho sleppte sin første låt “Er dette til å overleve” var det ingen veg attende. Ein særeigen vokal og ei låtskriving prega av poesi og dagbøker penneført sidan barndomen har gjort at Randi Oline skil seg ut i mengda. Mektige og nære tekstar med bodskap om både det indre og det ytre kjem til å ljome utover fjellheimen i 2025. Vinjerockarar, gled dykk!