Vinjerock ligg langt til fjells, men Vinjerockarene får til det meste likevel!

Sist oppdatert 21. januar 2020

Vinjerock blir arrangert mellom fjella i Jotunheimen, i enden av ein lang grusveg, på vakre Eidsbugarden. For at det skal bli ein god festival og infrastrukturen skal fungere, er det viktig at festivaldeltakarane spelar på lag. Korleis kjem du hit?

 

Festivalekspressen


Reis ubekymra til Vinjerock!

Festivalbussane i regi av Valdres Sparebank går tur/retur frå Oslo, Sandvika, Trondheim og Bergen – utan bussbyte, heilt inn til Eidsbugarden.

Den gode festivalopplevinga byrjar allereie på bussen, som hentar deg på den lokale busstasjonen din. Derifrå sklir du elegant forbi alle køar på vegen mot målet, før du kan slenge sekken på ryggen og rusle bort til festivalcampen.

Søndag hentar bussen deg på parkeringsplassen på Eidsbugarden. Alt du treng å gjera, er å pakke telt og rydde camp, før du spaserer ubekymra til bussen som køyrer deg til heimstaden din.

Link til billettar til festivalekspressen vert lagt ut her våren 2020

Reis kollektivt

Finn kollektivtransport frå der du er, til Tyinkrysset på en-tur.no. Der bytter du til lokalbuss, eller vår skyttelbuss.

 

Samkøyring

Kvart år blir det oppretta ei gruppe på Facebook for samkøyring til Vinjerock. Me deler gruppa på hendinga Vinjerock 2020 når den er klar!

Festivalparkeringa opnar ONSDAG før festivalen, og parkeringsavgifta er 500 kr.

Køyr til Tyinkrysset i Vang kommune, som ligg på E16 mellom Oslo og Bergen. Festivalparkeringa finn du på Tyinkrysset eller Tyin Panorama, to mil før festivalområdet til Vinjerock på Eidsbugarden. Når du nærmar deg Tyinkrysset, vil du sjå skilt til den parkeringa du skal bruke, og folk i gule vestar vil hjelpe deg med å finne plass.

Det er ikkje mogleg for festivaldeltakarar å køyre inn til Eidsbugarden, og parkerer du langs veg, utanfor veg eller på private hyttetomter, blir du taua bort.

For Elbil er det ladestasjonar på Tyinkrysset fjellstue. 

 

Skyttelbuss frå festivalparkeringa

Når du har komme med rutebuss til Tyinkrysset eller parkert på festivalparkeringa går vegen vidare med skyttelbuss til festivalområdet. Det er berre torsdag og søndag du har skyttelbuss inkludert i festivalpasset, onsdag må du betale. Avgangstidene ser du i faktaboksen.

Kjem du før onsdag, må du ta ordinær rutebuss frå Tyinkrysset til Eidsbugarden. Rutetidene finn du på en-tur.no.

Skyttelbussen korresponderer med rutebussar på Tyinkrysset. Festivalarmband må visast for å få vera med skyttelbussen. Om du ikkje har fått armbandet i posten, syner du ordrebekreftelse og eventuell kjøpsfullmakt.

Me gjer merksame på at det ikkje vil vere tillate å køyre bil inn til Eidsbugarden før sundag kl 16:00

RUTETIDER SKYTTELBUSS 2019:
(Obs: med atterhald om endringar for festivalen 2020)

Tyinkrysset - Tyin - Eidsbugarden

ONSDAG
12:00, 14:00, 16;00, 18:00, 20:00, 22:00.
Pris onsdag; 100,-

TORSDAG
10:00, skytteltrafikk heile
dagen.
Siste buss inn går 22:00 Pris torsdag: gratis med festivalarmband

FREDAG/LAURDAG
12:00, 14:00, 16:00, 18:00, 20:00

Pris fredag/laurdag: 50,-

Nattbuss til Tyinkrysset

Fredag kveld: 01:15

Laurdag kveld: 01:15
Pris nattbuss: 50,-

Eidsbugarden – Tyin - Tyinkrysset

FREDAG/LAURDAG
13:15, 15:15, 17:15, 19:15 og 21:15 Pris fredag/laurdag: 50,-

SUNDAG
Fyrste buss køyrer kl. 08:00. Skytteltrafikk heile dagen. Siste buss ut går kl. 16:30.

NB! Det er stor fare for kø torsdag ettermiddag og sundag føremiddag. Ver tidleg ute båe desse dagane om du kan!

Pris sundag: Gratis med festivalarmband.

Prisar for parkering

Vanleg bil

Tys 16.07. – søn 21.07.: 500

Ons 17.07. – søn 21.07.: 500

Tors 18.07. - søn 21.07.: 500

Fre 19.07. – søn 21.07.: 250

Laur 20.07. – søn 21.07.: 200