– Me er utrolig begeistra over å verte representert på Postens frimerke. Vinjerock handlar om eit fellesskap kor alle høyrer heime, og for mange er det å reise til Eidsbugarden kvart år ein årelang tradisjon. Det oppleves som ei stor anerkjenning av alle som har bidrege inn i dette fellesskapet sidan festivalen starta, seier Guro Furunes Pettersen, festivalsjef i Vinjerock.
 |
Og Vinjerock er i godt lag! Frimerket er ein del av den nye frimerkeutgjevinga med tema "Festivalsumar", som også inkluderar festivalane Palmesus i Kristiansand, Riddu Riđđu Festivála i Kåfjord og Ekstremsportveko på Voss.
– Noreg har ein rik festivaltradisjon, og sumaren er verkeleg høgtida for festivalar i landet vårt. Å ha Vinjerock representert på desse frimerka er ei anerkjenning av den unike atmosfæra og den kulturelle arven festivalen har skapt i Eidsbugarden, seier frimerkedirektør Halvor Fasting i Posten Bring.