Om du er medlem i DNT har du ein eigen sjanse til å få deg billett til Vinjerock 2026

Sist oppdatert 07. desember 2025

Onsdag 10 desember kl 12:00 opnar salet av DNT-billettar til Vinjerock 2026!

I samarbeid med DNT vert det sett av eit eiget tal billettar til dei som er medlem hjå DNT. Nytt av året er at de ikkje skal taste inn medlemsnummer i løpet av kjøpsprosessen hjå Ticketmaster, men de treng framleis eit passord for å låse opp billettane. Lenkje og passord til DNT-billettsalet finn de inn på medlemssida hjå DNT! 

På festivalen møter du òg DNT Ung med turinfo, reparasjonsstand, og mange andre programpostar. Me gler oss til å sleppe meir av dette utover våren 2026 når me slepp aktivitetsprogrammet! 

Me sjåast til fjells, DNT-medlemmar! 

Informasjon om DNT-billettane: 

  • Pris 2026: 3135,-
  • Avgrensa tal billettar 
  • Du treng kodeord for å få tilgang på billetten. kodeordet finn du på DNT sine medlemssider 
  • Viktig: Ved byte frå billett til armband må ein syne bevis på DNT medlemsskap, og billetten kan ikkje nyttast utan dette.

Festivalpasset gjev inngang til festivalområdet oppe på Eidsbugarden, konsertar, samtalar og eit breidt aktivitetsprogram over tre dagar. I tillegg er shuttlebuss tur/retur (torsdag og sundag) frå parkeringa og inn til festivalområdet inkludert, samt avmerka festivalcamp med sanitæranlegg.