Vinjepride
Bli med på den mest fargerike turen denne sommaren. Me feirer kjærleik og mangfald i fjellet med regnbogetur til Reinsdyret ovanfor Eidsbugarden
Årets appellant er Vilje Juvskås. Ho har vore ei sterk drivkraft for Bygdepride i Vest-Telemark, og har løfta fram skeiv synlegheit, mot og fellesskap i fleire bygder.
Tara SLAMpoet vil med si slampoesi vekke både kjensler og engasjement gjennom tekstane sombåde rører, utfordrar og opnar rom.
Sliteneliten avsluttar programmet oppe ved reinen med akustisk konsert, før me vandrar tilbake til festivalområdet og avsluttar turen med «skakkbar» i Solbaren kl 13:00.
Me oppfordrer alle fine festivalmenneske om å bli med oss på Vinjepride. Turen er for deg - uansett om du er skeiv, undrande, støttande eller berre nysgjerrig og glad i litt ekstra støy.
Gradering: Grøn (sjølvsagt!)
Plassar: Det er plass til alle
Pris: Gratis
Tidspunkt:
- Fredag 11:30-13:00
Utstyr:
- Sitteunderlag
- Nistepakke
Oppmøte: Ein halvtime før, om du vil pynte deg med glitter og regnbogestas, Over vegen frå turinformasjonen, skilt med Møteplass.
Alle er hjarteleg velkommen og det kostar ingenting å vere med.
Me sjåast!