Vinjepride
Bli med på den mest fargerike turen denne sommaren. Me feirer kjærleik og mangfald i fjellet med regnbogetur til Reinsdyret ovanfor Eidsbugarden og avsluttar turen med «skeiv time» i Solbaren kl 13:30.
Bli med å toppe fjorårets tur, for å vise at Vinjerock og friluftslivet er ein stad for alle, uansett kven dei er og kven dei elskar.
Me oppfordrer alle fine festivalmenneske om å bli med oss på Vinjepride. Turen er for deg - uansett om du er skeiv, undrande, støttande eller berre nysgjerrig og glad i litt ekstra støy.
Oppe ved reinsdyret blir det apellar og god stemning.
Gradering: Grøn (sjølvsagt!)
Plassar: Det er plass til alle
Tidspunkt:
- Fredag 11:30-13:00
Utstyr:
- Sitteunderlag
- Nistepakke
Oppmøte: Over vegen frå turinformasjonen, skilt med Møteplass, me går samla opp til Reinsdyret.
Alle er hjarteleg velkommen og det kostar ingenting å vere med.
Me sjåast!