Johanne Flottorp

20190519 Foto Heidi Furre2

EI spelekvinne med tæl. 

Johanne Flottorp frå Åmli er hardingfelespelar med eit kraftig og energisk spel. Ho jobbar med det råe og kvasse i uttrykket der det trengst, kombinert med det såre og vare der det høver betre. I 2018 gav ho ut si første soloplate, som blei nominert til Spellemannprisen i kategorien folkemusikk. Albumet er også den første hardingfeleplata som har kome ut på vinyl på fleire tiår.

Utanom å vere soloutøvar på hardingfele, spelar Johanne blant anna i Spellemann-nominerte The Northern Belle og plateaktuelle Ruby Red & the Moonshine Brothers og Raabygg.