Billettane til festivalen finn du på nettsidene til Ticketmaster. Dei blir lagt ut på slaget klokka 12, og det gjeld som vanleg å vere rask på labben, for billettane brukar å ryke ganske så raskt.
Det er lurt å logge seg inn i Ticketmaster i god tid. Vi har fått tilbakemeldingar om at det er trøbbel med nokre nettlesarar, så test ulike for å vere sikker på at du kjem deg inn før salet startar!
DNT-medlem?
Til deg som er medlem av Den Norske Turistforening er ventetida eit par dagar kortare i år også. DNT-medlemmar kan få kloa i billettar allereie onsdag 27. november klokka 12. Det er lurt å sjekke ut info om kva du treng å ha klart til førehandssalet på nettsidene til DNT.
Kort fortalt: For å kjøpe rabattert festivalpass gjennom DNT må du ha tilgjengelig ditt medlemsnummer som viser at du er medlem i Turistforeningen i 2019. For å nytte DNT-festivalpass må du også vere medlem når Vinjerock 2020 går føre seg.
Slik funkar køsystemet til Ticketmaster
Det er stor førespurnad etter billettar. Billettsystemet til Ticketmaster er satt opp for å handtere trøkket. Det funkar slik at det blir aktivert ein kø som skal gjere prosessen mest mogleg smertefri for alle. Før sleppet hamnar du i eit «venterom». Når billettane blir sluppe hamnar du i ei kø. Det er tilfeldig kor i køen du hamnar, og dei som står i den kjem gradvis inn for å ta ut billetten når serverane har ledig kapasitet.
Sats på opplevingar, ikkje utstyr
Den same dagen vi legg ut dei ordinære festivalpassa til Vinjerock, arrangerer DNT Ung-grupper over heile landet byttedagen «Grøn fredag»! Nordmenn er blant dei i verda som brukar mest pengar på sportsutstyr og vi kastar utruleg mykje.
– Grøn Fredag er ein motpol til kjøpshysteriet under «Black Friday», seier rådgjevar, Henrikke Ulvund i DNT Ung.
Det er ein byttedag der ein kan møte opp og bytte vekk, gi vekk eller selje utstyr og sportsklede ein ikkje brukar lengre. Mange har kanskje ting i boden som ikkje blir brukt og kan ein nytte sjansa til å gi det vekk til nokon som treng det.
– Utstyret kan vere eit verkemiddel for gode naturopplevingar. Men ein treng ikkje den nyaste jakka eller det dyraste utstyret for å få dei gode naturopplevingane, seier Ulvund.
Sjekk ut kor du finn ditt næraste «Grøn fredag»-arrangement her:
Førehandssal for Valdrisar
Bur du i Valdres har du moglegheit til å sikre deg eitt festivalpass på førehandssalet vårt. Måndag 25. november er det utsal i Valdres Sparebank i Vang. Og tysdag 26. november hos Gjensidige Valdres på Fagernes.