Soga om Vinjerock

Soga om Vinjerock kunne godt ha fått plass i Asbjørnsen og Moes forteljingar om Oskeladden - for det er eit lite eventyr. Ein sein vinterkveld i 2005 kom fire Vangsgutar på ideen om å halda rockefestival på Eidsbugarden. 4. og 5. august 2006 var Vinjerock ein realitet, og eit lite stykke kulturhistorie vart skrive i Jotunheimen. 2012 blei ein suksess og Vinjerockarane kom glade tilbake til fjellheimen etter eitt års pause og Krafsefestival. Planlegginga av neste års festival startar så snart vi har fått kvilt ut etter årets runde. Vinjerockarane er svoltne på meir, noko vi fikk bevist då alle festivalpassa forsvant på skarve ti sekund for årets festival. Dei skal få valuta for kronene i 2017 òg!

Historikk

Vinjerock går over tre dagar i juli kvart år. Ved sidan av talrike konsertar, får festivalgjengarane moglegheit til å boltre seg i fjellheimen, med alt frå guida toppturar til buldring og sandvolleyball på Jotunheimen Beach. Festivalen har ved sidan av musikken stort fokus på maten, som er prega av gode lokale råvarer og snille prisar.

Eit stadig viktigare satsingsområde for Vinjerock er å ta vare på miljøet der me lev og bur under festivalen. Me held til i eit sårbart område, noko som gjer at det er svært viktig for oss at me vernar om naturen og passar på at området så langt som råd ikkje vert skada av aktiviteten vår. Difor let me området få ein pause i 2011 og organiserte i staden Krafsefestivalen, der nesten 100 frivillige jobba for å utbetre festivalområdet og leggje til rette for framtidas Vinjerock.

Same året nådde me i Vinjerock eit av våre største mål - nemlig å bli Miljøfyrtårnsertifisert. Difor kan Vinjerock no dokumentere at me fyller opp strenge miljøkrav innanfor tema arbeidsmiljø, innkjøp, energi, transport, avfall, utslepp og estetikk. Me er særs stolte over å vera eit Miljøfyrtårn, og me skal jobbe hardt for å bli enda betre på miljø. Saman med alle dykk fantastiske Vinjerockarar er me sikre på at me skal greie det.

Tidlegare festivalar

Vinjerock5aar_005.jpg

Vinjerock 2006 gjekk over to dagar, 4. og 5. august, med artistar som Dumdum Boys og Thomas Dybdahl på scena. Totalt var 3 500 publikummarar innom den fyrste festivalen, som var prega av eit strålande vêr det ikkje har vore maken til i fjellheimen på mange år. Festivalen gjekk i det fyrste året med eit lite underskot.

Bildegalleri »

Vinjerock5aar_042.jpg

Vinjerock 2007 utvida med ein dag, og gjekk frå 2.-4. august. Denne gongen med blant andre Bigbang, Sivert Høyem og Blood, Sweat & Tears frå USA på scena. Festivalen utvida også med ei ekstra scene dette året. I motsetning til året før var det derimot forholdsvis dårleg vêr under mykje av festivalen, utan at stemninga vart nemneverdig dårlegare av den grunn. Totalt 5 500 publikummarar besøkte den andre utgåva av Vinjerock. Festivalen gjekk dette året med stort underskot, og det var ei periode tvil om korvidt ein kunne gå vidare med prosjektet. Men ein enorm redningsinnsats, som blant anna innebar personleg kausjon frå initiativtakarane, sikra festivalen sin eksistens.

Bildegalleri »

Vinjerock5aar_022.jpg

Vinjerock 2008 var internt prega av å vera eit skjebneår. Ein måtte lykkast økonomisk dette året for å overleve, og det vart lagt ned ein enorm innsats bak kulissane for å nå dette målet. Festivalen gjekk dette året frå 31. juli til 2. august, med artistar som Madrugada, Kaizers Orchestra og Animal Alpha på scena. 6 300 publikummarar tok vegen til fjells dette året, og var med på legge grunnlaget for eit overskot som gjorde til at ein kunne nedbetale gjeld - noko som sjølvsagt var ein enorm lettelse for alle som hadde lagt ned liv og sjel i å sikre festivalen.

Bildegalleri »

Vinjerock5aar_092.jpg

Vinjerock 2009 var eit år prega av mykje folk og høg stemning. Festivalen gjekk frå 30. juli til 1. august, og var for fyrste gong utseld. Det skjedde eit par veker i forvegen, og når 200 ekstrabillettar vart lagt ut ei veke før festivalen, forsvann dei på under 60 sekund. Blant artistane dette året var Bigbang, Bo Kaspers Orkester og CC Cowboys. Den gode innsatsen bak kulissane held fram dette året også, og på lag med dei 8 800 publikummarane som dukka opp dette året la festivalen eit godt grunnlag for framtida ved å sikre eit nytt overskot som gjorde til at gjelda kunne nedbetalast.

Bildegalleri »

Vinjerock5aar_115.jpg

Vinjerock 2010 vart nok ein «højdare» for Vinjerockentusiastane. Med utseld festival allereie i april er det tydeleg at populariteten aukar. Totalt 9 700 besøkande tok turen dette året, og det overraska oss stort at billettane vart rivne bort så fort. Festivalpublikummet kunne dette året nyta liflege tonar frå artistar som Gåte, Sivert Høyem, Ralph Myerz & the Jack Herren Band, Skambankt og Ingrid Olava. Høgdepunktet for mange var nok likevel det lokale Valdresbandet Staut som skapte ei uforgløymeleg stemning framfor scena. Så vidt me veit nådde me målet også dette året - nemleg at alle kosa seg!

Bildegalleri »

Krafsefestival 495x 330

Krafsefestivalen 2011 sørgja for endå betre vilkår for Vinjerock 2012. Drenering, vardebygging, utbetring av stigar og bruer og planering av festivalområdet skal vonleg sørgja for ei betre oppleving for festivalpublikummet vårt. Me gler oss til å vise fram det «nye» festivalområdet og håpar de tek vel i mot det!

Bildegalleri »

Vinjerock_2012_20.jpg

Vinjerock 2012 var prega av eit gledeleg comeback, både for frivillige, stab og ikkje minst publikum! Etter kvileåret i 2011 var det mange som lengta til fjells, noko pågangen på billettsalet viste oss. De gav oss hakeslepp. Alle billettane var på andre hender i løpet av vel 3 timar!  For ei tillitserklæring.

Ila Auto tolka "vår" Aasmund sine tekstar med liv og lyst, Dum Dum Boys vitja oss igjen og skapte god stemning i fjellheimen, Bob Hund rocka, Staut spelte opp til både dans og frieri (vert det bryllup på Vinjerock i 2013 mellom Stine og Helje tru?) og Den Svenska Björnstammen sytte for allsang ut over det vanlege, såpass høgt runga det mellom fjella at dei av oss som sat og jobba på festivalkontoret måtte ta ei pause og gå ut for å høyre Vinjerockarane synge. 

Bildegalleri »

007_langskavel_al..jpg

Vinjerock 2013 blei utselt på tre minutt. Tre minutt! Heile vinteren blei det jobba knallhardt for å levere varene til det trufaste publikummet vårt. Så kom dagen. Torsdag var det allereie mange telt og lavvoar å sjå på Eidsbugarden,og i løpet av kvelden var området fylt av glade Vinjerockarar. Regnet som draup var inga hindring, og når vinden tok tak og sleit i teltdukane var det deilig å vakne til strålande sol som varte helga ut. Aldri har vi vel hatt eit slikt sumarvêr på Vinjerock før, og vi naut det!

Jaga Jazzist, Odd Nordstoga & Ingebjørg Bratland, Two Door Cinema Club og Håkan Hellström var blant dei som skapte magi på scena og elleville jubelscener i publikum som verkeleg kosa seg i sumarvarmen. 2013 går rett inn i minneboka!

Bildegalleri »

IMG_8246.jpg

Vinjerock 2014 slo alle rekordar, då billettane vart utselde på mindre enn eit minutt! Allereie i dagane før festivalstart vaks telt og lavvoer opp som paddehattar. Festivalen starta med regn på torsdagen, men deretter titta sola fram og det vart sumar for alle penga attmed Bygdins bredd. Frå slappe timar i lyngen og ølsmaking til spreke kurs og luftige toppturar, det var noko å finne på for dei fleste som fann vegen til fjells. 

Store namn som Timbukta & Damn!, Veronica Maggio, Datarock og Lemaitre dro i gong massane for alvor, men det var ikkje mindre god stemning å spore på dei andre konsertane! Det vart vått, varmt, heftig, svalt, tøft, morosamt og så utruleg mykje meir - Vinjerock 2014 føyar seg inn i rekka som ein vellukka festival i fjellheimen. 

Bildegalleri »

 LOH-VR15

Vinjerock 2015 vart utseld på under ti sekund, me rakk knapt å blunke før det var over! Ein heller laber vår og forsumar let store mengder snø liggje att på Eidsbugarden i vekene før festivalen. Men det er ikkje den ting litt maskinhjelp og nokre varmegradar ikkje kan fikse, så me kom i mål denne gongen også! Enkelte plassar var det blautare enn tidlegare, men Vinjerockarane let ikkje det legge nokon dempar på stemninga! Storparten av vêr-skalaen var representert undervegs, med  alt frå kraftige regn til strålande sol. Vinjerockarane kunne som tidlegare velje mellom ei rekkje ulike aktivitetar, kurs, foredrag og ikkje minst - konsertar.

Mykje nytt dukka opp på programmet denne sumaren! NRK P13 tok turen til fjells og delte festivallivets gleder med heile Noreg, gjennom daglege sendingar på eteren. Real Ones var festivalband, og spelte konsertar fleire plassar på Eidsbugarden, mellom anna ved Bygdins bredd, og den nye, flyttbare scena Ferdamini vart ein realitet. På scenene briljerte «store og små» artistar og band, som Susanne Sundfør, Highasakite, Hjerteslag, Tønes, Fay Wildhagen, Sondre Justad og så mange, mange fleire!

Bildegalleri »

 

20160723_0599_LOH

Vinjerock 2016  vart utseld omlag like snøgt som året før! Denne sumaren var det duka for skikkeleg bursdagsfeiring på Eidsbugarden, då festivalen fylte ti år. Andletet til Aasmund pryda den seks kvadratmeter (!) store bursdagskaka, som vart servert av frivillige, stabsmedlemmar og ordførarar i bunad under feiring laurdag. Sjølv om veret ikkje spelte heilt på lag, hadde mange møtt opp for kakefest og konsertar med Farao og Staut. 

Etterstevet (nachspiel) vart denne gongen arrangert utandørs, ved Vesle-Vinje, og det kokte på plassen frå start til slutt dei tre kveldane. Vinjerockarane er heilt råe på å lage god stemning! Artistar som Alo Wala, Bjørn Eidsvåg, Lars Vaular, Kvelertak og Aurora spelte seg gjennom heile det musikalske spekteret. Daniel Kvammen segla nok ein gong over menneskemengda, denne gongen til Fagernes Yacht Klubb sitt forrykande show på scena. Fleire regnskurer til tross, festivalen vart nok ein gong ei heilt fantastisk oppleving!

Bildegalleri 

Vi gler oss til å skape magi i lag med dykk på Vinjerock 2017!

Velkomne til fjells!

 

Artisthistorikk

 

Vinjerock 2016:

Aasmunds diskobar
ALO WALA
Aurora
Baskery (Swe)
Bendik
Bjørn Eidsvåg
Death By Unga Bunga
Didrik Thulin
DJ Herkules
Fagernes Yacht Club
Farao
Frøkedal & Familien
Get Dancy & Didrik Thulin
Hedvig Mollestad Trio
Hoetell & DJ Herkules
Kakkmaddafakka
Kvelertak
Lars Vaular
Miss Tati
Morudes
Odde & Holmen
Razika
Spidergawd
Staut
Stein Torleif Bjella
Todd Terje & The Olsens
Vieux Farka Touré

 

Vinjerock 2015:

Comet Kid
Daniel Kvammen
Emilie Nicholas
Erlend Ropstad
Erlend Viken Trio
Fay Wildhagen
Haldor Røyne
Highasakite
Hjerteslag
Honningbarna
Kathrine Fugllien
Kindred Fever
Lindstrøm
Miss Tati
Real Ones
Sondre Justad
Susanne Sundfør
Team Me
The Crooked Fiddle Band
The Dogs
Thomas Stenström
Tønes
Øystein Greni

 

Vinjerock 2014:

Billie Van
Comet Kid
Daniel Kvammen
Datarock
Farao
I'm from Barcelona
Ida Maria
Johndoe
Kaja Gunnufsen
Kalandra
Kvelertak
Lemaitre
Moddi
Monica Heldal
Niko Valkeapää
Odd Nordstoga
Pixel
Proviant Audio
Rumble in Rhodos
Snakka San & Sver
Sudan Dudan
Timbuktu & Damn!
Veronica Maggio
Vintage Trouble

 

Vinjerock 2013:

Anja Elena Viken
Amund Maarud
Black Debbath
Big Bang & Valkyrien Allstars
Casa Murilo
Daniel Norgren (SE)
Death By Unga Bunga
Earlybird Stringband
Egil Olsen
Graveyard (SE)
Håkan Hellström (SE)
Honningbarna
Hvitmalt Gjerde
Ida Jenshus
Ine Hoem
I Was A King
Jaga Jazzist
«Heimafrå»: Odd & Ingebjørg
Razika
Räfven (SE)
Stein Torleif Bjella & Real Ones
Torgeir Waldemar
Two Door Cinema Club (UK)
Tako Lako (DK)

Vinjerock 2012:
Ila Auto
Violet Road
Casa Murilo
Bob Hund (SE)
Snorri Helgason (ICL)
Ugle
Sudan Dudan
sweden
Tilbury (ICL)
El Cuero
Rumble in Rhodos
Bare Egil Band
Kaizers Orchestra
Den Svenska Björnstamme (SE)
Hekla Stålstrenga
Jonas Alaska
Sondre Lerche
Cazadores
Agent Fresco (ICL)
Maya Vik
Staut
Montée
Dumdum Boys
Fagernes Yacht Klubb 

Vinjerock 2010:
Mhoo
Casiokids
Navigators
Marjit Vinjerui
Howl
The New Wine
Skambankt
Sivert Høyem
Ila Auto
Raga Rockers
Los Horribles
St. Helen
Hjálmar (ICL)
Ingrid Olava
Staut
Thomas Dybdahl
Johnossi (SE)
Ralph Myerz & TJHB
Ogobor
Gåte
Tørstad & Co

Vinjerock 2009:
Petter Carlsen
El Cuero
Valkyrien Allstars
Harrys Gym
Little Hands of Asphalt
Marit Larsen
Tommy Tokyo
CC Cowboys
Gaute Lein Ausrød
Tyyl!
Scott Malcolmson (CAN)
Ingeborg Selnes
SKAM
Stein Torleif Bjella
The Gamasamas
Jaqueline
Hjaltalín (ICL)
Bo Kaspers Orkester (SE)
Bergen Mandolinband
Bigbang
Team Gløstøs

Vinjerock 2008:
Ugler i Mosen
Alyn
Girls (CH)
Thom Hell
Animal Alpha
Kaizers Orchestra
Katzenjammer
Siluet (BG)
Jimmy Bowskill (CAN)
Strandingarna
Valkyrien Allstars
The Snuff Grinders
Madrugada
Karl Seglem

Vinjerock 2007:
Sivert Høyem
Bigbang
Blood, Sweat & Tears (US)
Johndoe
Kristin Asbjørnsen
Adjágas
Yoyoyo Acapulco
The Cheaters
Nickels & Dimes
Girl Happy
Fatal Impact
Halfdan Gimle
Ross Reaver (US)
Nitrokit
Catastrophes
AshTrash
Hot Organ

Vinjerock 2006:
Dumdum Boys
Minor Majority
Heroes & Zeros
Ogobor
Sullivan
Off the cuff
Thomas Dybdahl
The Blackbirds
Brut Boogaloo
Silverstreet
Marthe Valle
Roenik (SE)
Eirik Bergene Band
Kneip Conspiracy
Raven Black
Ken Hensley (UK)