Kurs

Vinjerock tilbyr ei rekke kurs i løpet av festivalen. Ein del i eigen regi, og mykje i samarbeid med gode partnarar som Den Norske Turistforening og Bergans. Alt frå hundekøyring til strikking av ølvottar har stått på programmet tidlegare. 

Oversikt over billettar finn du her!

Kursprogram  

Gradering: Blå (meir info)

Klar for det aller heftigaste kurset på Vinjerock? Kurset startar med ei økt om utstyr, sikkerheit og rutinar for ein elvepadlar. Så får alle kvar sin båt med komplett utstyr og det vert ei teknikkøkt på flatt vatn (også kalla Bygdin).

Som ei grande finale tek vi med kajakkane opp i Mjølkedøla, og den som føler seg klar for det kan få padle sitt fyrste elvestryk under stødig oppsyn av instruktørane.

Med andre ord har du her ei ypperleg moglegheit til å finne ut om elvepadling kan passe for deg. Men hugs: Du vert garantert blaut ;-)

Utstyr:

  • Ullundertøy
  • Sko som tåler å bli blaute
  • Handkle
  • Varmt skift

Lån av kajakkar og anna padleutstyr er inkludert i kursavgifta.

Oppmøte: Ved DNTs turinformasjon

Ting billettar til aktiviteten her!

Stand up paddle
Lei av å sitte når du skal padle? Bli med på SUP då vel! SUP er nemleg ei forkortning for "Stand Up Padling" og har vorte svært så populært dei siste åra. Du står på eit digert surfbrett (Na-na-nananananaaaa) og padlar. Enkelt og greitt og ganske så genialt. God trening er det visst og. 

SUP Safari
Laurdag arrangerer me også ein SUP-safari. Dette blir vår aller første guida SUP-tur på Bygdin! Padlerute og lengde avhenger av vêr og vind, og turen blir tilpassa etter deltakarane. På vegen finn me ein fin rasteplass og serverer kaffi og snacks.
SUP-safari passar for deg som har prøvd SUP før, eller har erfaring med kajakk  eller kano. Ta med vannflaske og tørt skift.

Kurshaldar er Hallgeir Thorbjørnsen frå 4 elements.

Gradering: Grøn (meir info)

Utstyr:

  • Ulltøy
  • Handkle
  • Skift

Oppmøte:   DNTs turinformasjon

 

SUP står for «Stand Up Paddling», eller brettpadling som det heiter på godt norsk, og er verdas raskast veksande vatnsport. Yoga er kjend for dei fleste, men på eit padlebrett vil rørslene i vatnet gje deg ein ekstra utfordring for balansen. Her må du verkeleg aktivere det du har av kjernemuskulatur!

Du treng ingen forkunnskapar for å delta. På kurset lærer du litt om padling, om utstyret me brukar og om tryggleik på vatnet. Me gjer ein enkel yoga-serie og avsluttar med total avspenning med den behagelige lyden av vatnet som klukkar rundt brettet.

SUP yoga gir deg høve til å oppleve den flotte naturen, det vakre Bygdinvatnet og den positive energien frå alle elementa her oppe i Jotunheimen!

Gradering: Grøn (meir info)

Utstyr:

- Handkle
- Skift

Oppmøte:  DNTs turinformasjon

 

Ting billettar til SUP-yoga her!

Kurshalderar frå DNT ung vil lære korleis ein skal pakke med seg mat til lengre turar, og korleis ein skal legge opp kosthaldet på tur. Dei vil også tilberede gode rettar som er enkle å lage på tur. Høg kosefaktor!

I år kan du prøve deg på tre forskjellige kurs; Turdessert, turmat og vegetarmat på tur!

Gradering: Grøn (meir info)

Til å gjera det har vi fått oppover hallingdansar Anders Aasberg.

Du treng korkje være kar eller særleg sprek for å vera med på kurset. Noko å imponere med lærar du same kva.

Nemnde vi at både hattesparking og rævkrok er gode måtar å avgjere kven som er sprekast på?

Tidspunkt:  Fredag 11:00 - 14:00

Utstyr:  Lette klede (dropp olabukse og fjellsko om du kan).

Oppmøte: DNTs turinformasjon 

NB! Du må anten ha festivalpass eller jobbe som frivillig på Vinjerock for å kunne delta på denne aktiviteten.

Ting billett her!

Sankesafari

På denne turen leiter vi etter planter med ymse bruksformål, både mat, krydder og medisin. Vi hoppar òg innom giftplanter vi møter på vegen, men fortrinnsvis let vi vere å smake på dei. Det blir neppe moglegheit for å eta seg mett på det ein kjem over i løpet av turen, men dersom du ønskar å lære korleis ein kan krydre brennevin med urtar frå fjellet er dette absolutt noko for deg!

Tidspunkt:  Laurdag 12:00 - 14:00

Blomesafari

Me går i området rundt Eidsbugarden for å sjå på blomane som finst i floraen i høgfjellet.

Tidspunkt:  Fredag 12:00 - 14:00

Høgfjellssafari
Dette er ein litt lengre tur som inneheld litt meir gange enn tidlegare års safariar. Me startar frå Eidsbugarden og går eit lite stykkje inn langs Bygdin, før me klyv opp Gravafjellet og går vidare i slakare terreng innover mot Høgbrotet. Undervegs ser me på forskjellane i flora og fauna mellom dei frodige, sørvendte liene nede ved Bygdin og det karrige høgfjellsterrenget lenger opp. Tempoet blir litt raskare enn på ein blomesafari, men framleis langt unna tinderanglarfart.

Tidspunkt: Fredag 11:00 - 13:00 

 Utstyr: 

  • Fjellsko
  • Turklede 
  • Kikkert (om du har)
  • Notatblokk kan også vere kjekt å ha med

Oppmøte: DNTs turinformasjon

Padlekurs m/DNT UNG 

Kunne du tenkje deg å padle kajakk på høgfjellet? Her får du høve til det - på sjølvaste Bygdin! Dette er eit introduksjonskurs i havkajakk etter Norges padleforbund sin mal, med godkjende instruktørar

Du vil bli kjend med havkajakken og anna utstyr som høyrer med. Etter fullført kurs får du våttkort med oblat for introkurs havpadling.

Det vil ikkje bli lånt ut våt/tørrdrakter.

Gradering: Grøn (meir info)

Utstyr:

  • Ulltøy
  • Handkle
  • Regnjakke
  • Skift
  • Drikke og litt mat

Oppmøte:  DNTs turinformasjon

 

Du kan tinge billettar til alle aktivitetane på Vinjerock her

På tur er kart og kompass din beste ven, det kan bety forskjellen på om du finn fram til hytta eller blir sovande ute. Dette kurset passar for deg som vil ha ein grei innføring i bruk av verktøy for å navigere på tur. Det er eit praktisk kurs med innlagt tur, der deltakarane blir utfordra til å finne vegen

Gradering: Grøn

Tidspunkt:  Fredag 13:00 - 15:00

Utstyr: 

  • Litt mat og drikke
  • Sitteunderlag
  • Kle etter vêret og gode sko

Oppmøte:  DNTs turinformasjon 

Ting billett til kurset her!

Fotokurs:

Dette kurset vil ta for seg korleis du forevigar gode opplevingar i naturen, nemleg korleis du kan ta fine bilete med kameraet ditt på tur. Ta med kamera, mobil med kamera, eller begge deler, og bli med på ein kort tur i nærmiljøet.

 

Gradering: Grøn (meir info)

Tidspunkt: Fredag kl.12:00-14:00

Utstyr:

  • Mobil med kamera
  • Kamera
  • Sitteunderlag
  • Drikke

 Ting billett her!

Oppmøte:   DNTs turinformasjon.