Overnatting

Lavvotellet - Vinjerock si løysing på manglande overnattingskapasitet i Jotunheimen.

Kom til ferdig oppsett lavvo torsdag kveld, og slepp styret med å pakke den nedatt sundag morgon. Det fiksar nemleg vi! Og alt etter kor mykje komfort du vil ha kan du tinge med alt frå vedfyring til feltsenger, reinskinn og liggeunderlag.

Og prisen er slett ikkje så ille heller! Om du deler ein Agalaus Lavvo med 5 andre personar kostar det ikkje meir enn kr 222,- pr pers. pr natt. Då har du både god plass (det er nemleg ein 9-mannslavvo) og vedfyring i lavvoen! Droppar du fyringa, og tek med enno fleire kompisar blir det enno eit hakk rimelegare...

Lavvotellet er dessverre fullbooka for 2010.

Festivalcamp

Alle med festivalpass har inkludert gratis overnatting i verdas mest idylliske festivalcamp (sjå biletet under), like ved festivalområdet. Men du har mange moglegheiter!

Det er to festivalcampar på Eidsbugarden - ein tett inntil festivalområdet, og ein ved foten av Skinneggi, nokre hundre meter unna. Desse campane vil vera fysisk avgrensa, og er kun for gjester med festivalpass. Det vil bli rigga toalett i tilknyting til begge campane. Hugs at eingongsgrillar og glasflasker er forbode i festivalcampane og på festivalområdet! Det blir også i år rullestolvennlig camping ved sidan av Fondsbu, denne er kun for rørslehemma.

Bobil & campingvogn

Ynskjer du å ta med bobil eller campingvogn til Vinjerock blir det eigen camp på Tyinholmen, om lag 3 km frå Eidsbugarden. Det er mogleg å ta festivalbussen båe vegar. NB: Begrensa med plassar. Forhåndsbestilling til Tyinholmen, telefon 61 36 78 88. Merk: Caravanplass er ikkje inkl. i festivalpass.