800 gonger hurra for Ingrid!

Publisert 23. februar 2010 kl 00:30 av Eirik Høyme Rogn

Det var jo fortjent som fy (og heller ikkje heilt uventa), men alikevel: Det er med stor glede vi konstaterer at årets Statoil-stipend vart tildelt fantastiske Ingrid Olava! No skal jenta, med aner frå Valdres, erobre utlandet. Men aller fyrst ventar ein tur til fjells. Og slik apropos by:Larm...

Vinjerock-delegasjonen på bransjefestivalen kan melde om ei helg kor det var tett mellom godbitane. Mellom anna leverte Vinje-aktuelle Navigators ein fantastisk konsert på Rockefeller. Det same gjorde også The New Wine, som lokka fram dansefoten hjå by:Larmarane fleire gonger i løpet av helga.

Nevnte Ingrid Olava leverte også ei perle av ein konsert, og i tillegg dukka det sanneleg opp eit par andre godbitar også, som plutseleg kan vera på veg til ein fjelltopp i sumar. Den som ventar får sjå :-) Vi synes i allefall det er kjekt å sjå at det framleis er håp for den norske musikken også i framtida, etter mange år med høg gjenbruksfaktor av norske headlinarar. Eit arrangement som by:Larm er enormt viktig for å få dei nye håpefulle opp og fram. Mengder av kudos rettast herved frå fjellheimen til arrangørane i Tigerstaden, som synte seg frå ei usedvanleg triveleg side i helga - også for folkeskye fjellgeiter.

Vi GLER oss til sol, sumar og nye store konsertopplevingar på Eidsbugarden!