Dagens artistslepp: Staut

Publisert 18. desember 2009 kl 11:00 av Eirik Høyme Rogn

Veka er snart omme, og siste namn ut frå oss i denne omgang er dei lokale heltane i Staut!

Uhorveleg mange Vinjerockarar har bedt om å få desse karane til fjells neste sumar, og det kunne vi rett og slett ikkje oversjå. No høyrer det i tillegg med til historia at vi her snakkar om eit kompani av drivande gode musikarar, og det gjorde sjølvsagt ikkje avgjerda vanskelegare.

Bandet har ei kort historie. Den går faktisk ikkje lengre attende enn til i vår, men på rekordtid har dei markert seg godt. Platekontrakta er i boks, og debuten kjem ut på nyåret. Kanskje har du allereie høyrt dei på radioen, for der har dei nemleg sunge mykje om ei vallersbrur som mellom anna er med på tur til Eidsbugarden. Perfekt for Vinjerock, med andre ord!

Følg med på Staut framover, dei kjem til å gjere det stort. Og vi lovar drivande god stemning når dei står på Store-Vinje laurdag 24. juli 2010!

Ha ei retteleg god helg, og ein framifrå juleinnspurt :-)

#3

Heidi

26-12-2009 22:16

Hørte de på rakfiskfestival en. Gleder meg stort til en konsert i Jotunheimen med dette bandet!! :-)

#2

Eirik

23-12-2009 23:47

Sikkert, men det er Staut også :-)

#1

jan kåre heiberg

23-12-2009 22:55

amberville er et fint band