Dagens artistslepp: Ingrid Olava

Publisert 15. desember 2009 kl 11:55 av Eirik Høyme Rogn

Lillehammer-jenta med røter i Valdres, Ingrid Olava, har frekventert høgt på mange ynskjelister i Vinjerock-historia. Neste sumar kjem ho endeleg til fjells!

Det siste året har Ingrid Olava brukt mesteparten av tida på å lage nye songar og å spele inn ny plate, med unntak av ein turné i USA og Canada. Den fyrste smakebiten frå plata, Warrior Song, kom i haust - og har snurra jamnt og trutt på radioen. Heile albumet kjem på nyåret, og vi gler oss stort til å høyre meir frå dama som skil seg ut frå dei ordinære syngedamene vi har mange av på dusinet om dagen.

Laurdag 24. juli ser du ho på scena i Jotunheimen! I mellomtida kan du lade opp med nokre smakebitar i Aasmunds Speledåse.

Då er det berre å vente å sjå kva morgondagen bringer... :-)