Dagens artistslepp: Navigators

Publisert 14. desember 2009 kl 11:53 av Eirik Høyme Rogn

Som vi lova før helga skal vi sleppe ein artist kvar dag denne veka, og vi byrjar med ingen ringare enn eit av landets mest lovande nye band: Navigators!

Det er nok mange svorne Ricochets-fans som har håpa lenge på ei gjenforening. Det kan sjå ut til å bli vanskeleg, men når vokalist Trond Andreassen i staden fyrar opp eit nytt prosjekt er det om mogleg enno betre!

Med base i Fredrikstad jobbar Navigators med eit mål om å skape tidlaus musikk. Korkje meir eller mindre. Mange vil nok kjenne att mykje frå Ricochets mellom linjene, men Navigators er mykje meir enn som så.

Debutalbumet er rett rundt hjørnet, og i mellomtida kosar vi oss med singelen Wall of Stone, som akkurat no er A-lista på P3 (i dette tilfellet er det faktisk ein bra ting) :-)

Då er det berre å glede seg til i morgon!