Boye fekk jobben!

Publisert 04. desember 2009 kl 23:05 av Eirik Høyme Rogn

Saman med Bufar Råd & Rekruttering AS har vi dei siste vekene leita etter ein produsent og teknisk leiar for festivalen. No er mannen funnen! Boye Olav Skøre heiter han, og du har ganske sikkert sett han på Vinjerock tidlegare. Gjennom åra har han nemleg vore aktiv som både deltakar, sponsor og frivillig.

Boye er ein ekte vangsgjelding, aktiv og engasjert. Ved sidan av stillinga i 60% for festivalen held han fram som gardbrukar og varaordførar i Vang kommune.

Bufar og Vinjerock har gått gjennom ein spanande og krevjande tilsetjingsprosess, der valet til slutt fall på Boye. Vi har hatt mange gode kandidatar å velje mellom på vegen, og er storfornøgde med resultatet. Vi er glade for å erkjenne at så mange kvalifiserte kandidatar vil jobbe i Vang og med Vinjerock.

Vi gler oss til å jobbe med Boye, og ynskjer han lukke til! Samstundes vil vi rette ein stor takk til Bufar for utmerka samarbeid i prosessen :-)

#1

Stian

21-12-2009 17:15

Eg likar dette.