Rocka utstilling på Fondsbu

Publisert 23. september 2009 kl 16:46 av Eirik Høyme Rogn

Tor Amundsen, hytteeigar på Eidsbugarden, er ein særs habil fotograf, og har vore tilstades på Vinjerock frå fyrste stund. Etter årets festival lanserte han ideen om ei utstilling på Fondsbu, og no er resultatet klart!

Over 40 bilete frå dei fire kapittela i festivaleventyret prydar veggane i spisesalen på Fondsbu, og som du ser av biletet over er både bestyrar Solbjørg og fotografen godt nøgde med veggpryden. Fondsbu held dørene opne i eit par veker til, så ta deg ein tur til Eidsbugarden for litt visuelt påfyll! Og skulle du ikkje rekke det, så må du ikkje fortvile - for bileta heng der på nyåret og :-)

Utstillinga er finansiert av fotografen sjølv i spleiselag med Fondsbu og Vinjerock.