Bekymringslaus transport til fjells!

Publisert 19. mai 2010 kl 15:51 av Eirik Høyme Rogn

Godt nytt til deg som skal til fjells frå Oslo, Bergen eller Trondheim! Vi set opp bekymringslause festivalbussar til gjebortpris (kr 399,- tur/retur), og som om ikkje det var nok får du sanneleg nokre frynsegodar attpå!

Bussane går frå bysentrum og heilt inn til festivalområdet, og når du kjem fram får du påsett festivalarmband før du går av bussen. Undervegs byr vi deg på ein godbit eller to, i tillegg til ein quiz med fjonge premiar! Med andre ord: Ein herleg bekymringsfri tur, og når du er framme slepp du alt som heiter kø. Rett opp med teltet og fram med rockefoten!

Og når du skal heim er det berre å finne bussen med Ubekymra-logo, og gå rett på. Null kø, null stress. Straka vegen rett heim til sofaen for å puste ut etter ei lang helg på fjellet :-) Kanskje får du med deg ein godbit eller to på vegen heim også...

Ubekymra-bussane er eit samarbeid med vår hovudsponsor Vang Sparebank, som satsar stort på å gjere kundane sine ubekymra om dagen. No tek dei det heile endå eitt steg vidare, og satsar på å også fjerne bekymringane til Vinjerockarane! Vi diggar det :-)

Kjøp billettar tur/retur Trondheim »
Kjøp billettar tur/retur Bergen »
Kjøp billettar tur/retur Oslo »