Forrykande start på billettsalet

Publisert 22. januar 2010 kl 00:29 av Eirik Høyme Rogn

Billettane til årets festival på Eidsbugarden flyg unna i rekordfart. Vi har no seld like mange billettar som vi hadde seld 26. juni i fjor (!). Og då vart festivalen utseld to veker i forvegen...

Det høyrer også med til historia at vi sel færre billettar i år enn i fjor, for å skape ein enno meir intim festival. Vi er utruleg takksame for tilliten frå dei som allereie har kjøpt, og lovar å stå på beinhardt for gjere investeringa vel verdt kvar einaste krone :-)

Og til alle dykk som sit på gjerdet og ventar: Ikkje sit der for lenge! Det var det mange som gjorde i fjor, og same kor gjerne vi skulle sagt ja til alle som ville til fjells må vi dessverre skuffe alle som er for seint ute. Utseld betyr utseld.

Vi jobbar for tida med å skaffe headliner til fredagen, og håpar å kunne avsløre kven det blir i løpet av få veker. Vi kryssar fingrane medan vi ventar på svar frå her og der, og gler oss stort til å fortelje dykk kva det blir etter kvart.

Om berre 181 dagar står vi atter ein gong under sumarsola (ja, for det blir sol) på Eidsbugarden, til nye store opplevingar. Vi kan mest ikkje vente til å sjå dykk alle attende på fjellet! :-)

Info om billettkjøp finn du her!