Dagens artistslepp: The New Wine

Publisert 16. desember 2009 kl 11:00 av Eirik Høyme Rogn

Årets mest dansbare nachspiel på Vesle-Vinje blir skipa av fire unge karar frå Bergen by. The New Wine har nemleg teke på seg oppdraget med å sikre at Vinjerockarane dansar seg heile vegen attende til soveposen fredag kveld.

Historia om bandet går berre eit par år attende, men i staden for å bruke energien på plateinnspeling har desse karane lagt ned innsatsen i å bli eit solid liveband. Og det har dei vorte til gangs! Det er fleire i festivalleiinga som framleis slit med kronisk rockefot etter å ha opplevd The New Wine på Blæst og Parkteatret no i vinter...

Det høyrer med til historia at eit album no er undervegs, og etter ryktene kjem det like etter påske. Vi gler oss stort til det, og vi gler oss enno meir til å hive oss med i dansen under lavvoduken i sumar!

Meir krutt kjem i morgon :-)