Noregs minste og høgstliggjande radiostasjon gjev deg liveradio av beste merke også i år. Stikkorda er intervju, livemusikk, konkurransar, quiz, liveoppdateringar frå festivalcamplivet og ja - generelt god stemning. Når VinjeFM ikkje har sendingar, kan du og venene dine sitje i campen medan radioen gjer dykk all festivalmusikken - heile døgnet.

Vinje FM sine fantastiske folk

Ein liten introduksjon av dei snakkesalige er som seg hør og bør. Her får du ein smakebit på dei som skal snakke hol i hovudet på deg!

Kristine Skeide: Rå latter og rå humor. Skeide er tilbake og det blir stas!

Peder Ottosen: Som einaste hane i høneflokken blir det opp til Peder å finne ut kva festivaltestosteron eigentleg er. 

Ellen Borge:  Ellen er radio, meir treng ein ikkje seia.

Mari Aftret Mørtvedt:  Kva har Colombia, Fiji og Eidsbugarden til felles? Det kan Mari fortelja deg.

Helle Nilsen Estensen:  Definisjonen av underfundig - det er berre å lene seg tilbake og le. 

Anne Natvig:  Radiotryne og andedrettsmaskin i VinjeFM. Radiosjefen sjølv!

Krister Johnson:  Veit å trykke på dei rette knappane. Utan Krister - ingen radio.

Sendeskjema

Torsdag 19. juli frå 18.00-20.30
Fredag 20.juli frå 10.00-12.30 og 13.30-16.15
Laurdag 21.juli frå 10.00-14.30

Musikk resten av døgnet.

Ta med radio!

Og om du gløymer din eigen radio? Ikkje fortvil. Ein liten, praktisk og billeg reiseradio vil det bli mogleg å få kjøpt i salsteltet. Du vil òg høyre Vinje FM i sceneområdet når det ikkje er konsertar.