- Vinjerock utmerkar seg med satsinga på Fairtrade, fortel Bob Nerland, som er årets «kaffimajor».

Også festivalsjefen er bevisst på at Vinjerockarane skal få kjøpe varer som er odla fram på rettferdig vis.

- Me satsar stort på Fairtrade-merka varer av ymse slag og har ein god samarbeidspartnar i Fairtrade, seier Eirik Høyme Rogn. Vinjerock er ein festival som ynskjer å ta ansvar og vil gjerne hjelpe til slik at handelen i verda vert meir rettferdig!

Gylne dråpar, noko attåt og endå litt til

Men i Aasmunds Kaffibar er det ikkje berre kaffien som står i fokus. Her finn du noko å bite i, men òg eit par uventa tilskot på handlelista.

- Me har sjølvsagt godsaker for munn og mage, men i år har me teke inn ein del anna i sortimentet som ikkje skal i fortærast, fortel kaffibaron Nerland.

Nytt av året er at du kan du kjøpt «dusjpakker» med mellom anna handkle og såper. I tillegg finn du undertøy i frå «Pants of poverty» til både kvinner og menn. Alt er sjølvsagt etisk produsert og Fairtrade-merka. Dette får du kjøpt i Vinjerock sitt salstelt i Vinjeparken.

- Så skulle du gløyme trusa di kan du kjøpe ny der, ler Nerland.

Årets kaffimeny

Fjellkaffi: Vanleg svart Fairtrade-merka kaffe utan noko dilldall kr 20,- 
Uranos-te: Fairtrade-merka te kr 20,-
Vinjekrutt: Espresso, laga av Fairtrade-merka kaffe kr 20,-
Aasmunds latte: Caffè latte laga med Fairtrade-merka kaffi kr 30,-
Amerikaffi: Caffè Américano, laga med Fairtrade-merka kaffe kr 30,-
Vinjechino:  Cappuchino laga med Fairtrade-merka kaffe kr 20,-
Hustrin kaffi: Fairtrade-merka Starbuckskaffi kr 30,-
Kaffiavtale:  Ditt eige Vinjerock-krus og fri kaffi heile festivalen kr 149,-

I tillegg finn du eit rikt utval av energirik snacks som sjokolade, nøtter, sportsbarar og smoothies på menyen!