Tradisjonen tru kjem Intersport og etablerar seg på Eidsbugarden under Vinjerock. Skulle du ha gløymt att teltet, soveposen, tursekken eller favorittlua di heime kan du kjøpe det du treng her.

- Vi satsar på å ha eit godt utvalg i år òg, spesielt kan ein forvente godt med varer frå Bergans, Devold og Alfa, fortel dagleg leiar for Intersport Filefjell, Leif Øyvind Solemsli.

Butikken er i følgje sjefen sjølv spekka med godsaker.

- Vi køyrer på med alt i frå turklede og fjellsko til telt, sekkar, soveposar og småting som folk måtte ha bruk for når dei er i fjellet. Og vi byr sjølvsagt på særs gode prisar.

På Bergans, Alfa og Devold of Norway sitt sortiment kan du som kjøpeglad Vinjerockar rekne med rabattar på 30-50 prosent av vanleg pris.

- I tillegg køyrer me på med restekasser der du får mykje igjen for kronene. Her snakkar vi avslag på tusenlappar på enkelte ting, til dømes fjellsko, fortel Solemsli.

Intersport finn du i ytterkanten av den nye Vinjeparken på Jotunheimen Beach. Her finn du òg Vinjerock sin eigen butikk. God handel!

Opningstider

Torsdag 19. juli
kl. 12.00-22.00

Fredag 20. juli
kl. 10.00-20.00

Laurdag 21. juli
kl. 10.00-20.00